von Roman Hollenstein

Hey, how are you? I hoppe you have good. I enjoy de trip verry much and the country is verry nice.

So jetzt isch fertig mit Englisch, meh chani nonig,

Aso mir sind scho zimmli umecho i dem Land. Gstartet simmer in Vancouver und noch zwei drüü Täg regä hemmo e Auto gmietet und sind mit de Fähre ab uf Vancouver Island. Det hemmo d`Insle agluuget und üs uf en Test useloh. Sind mit em Auto Quer dure und zmol het so e komisch Lämpli Glüchtet. Sofort hemmo i de pamme use no e Tankstell gsucht und ein Wunder gefunden ;-)     S`Wetter isch au uf de Insle nöd viel besser gsi, aber nume zum echli Auto fahre gohts guet. Sobald das Gschonet het, simmo sofort ab in Wald go laufe und echli go besichtigä, wies so usgeht. Ich seg eu:

Hi ein Baum da ein Baum und dazwischen noch ein Baum……

Gewaltig wie grossi Bäum das do het und vorallem die Mengi. Aso mir sind ebel wieder froh gsi simmer inne Dorf cho, wommo was anders cha ahluege. Natürlich hemmo au uf üsi gsundheit glueget und ab und zue mol es Bierli gnosse uf ere Terasse mit super Usblick.

Jo und scho simmo wider uf Fähre und retour richtig Vancouver. Jo det hemmo s`Auto tuschet undhend en rissä Wagä übercho. So jetzt heisst ab durch die Mitte. Vo Vancouver simmer richtig Kamloops, Valemount nach Jasper. Unterwegs hemmo wider mol en abstecher nach links oder rechts gamacht. Jasper richtig Edmonton isch e Tagesreis gsi und det schnell gnächtiget und zerscht no e Bier gnosse. Tag druf vo Edmonton nach Calgary und au det no schnell gnächtiget und am nöchste Tag wiiter richtig Banff.

In Banff het üs super Wetter gfunde und mir sind im Nationalpark echli go wanderä. Vo Banff simmo ca 1 ½ Stund ufwärts gwanderet und dobe hemmo e super ussicht dörfe gnüsse. Ab is Auto und richtig Lake Louise vomo au wider gnächtiget hend. Tag druf ebefalls da super Wetter gnosse und au nomel e wanderig gmacht vo au nomel ca 10km. Eifach en Traum ihr gsends den uf de Bilder.

So ab is Auto und richtig Jasper. Au wider e Experiment gstartet idem dasmo kei Hotel gha hend und üs eifoch mol uf en test useloh hend. Het den no klappet und mir hend dörfe bi de hübsche Jaimi undere chrüche…

Jasper het au nos Wetter mitgspielt und mir sind mit de Gondle in Berg ufe echli gnosse, ahgstosse und no es paar Meter in Gipfel ufe gloffe. Und scho isch es wieder Obet gsi. Sind den nomel zu de Jaimi go nächtige. Aso isch imfall e Hotel gsi und sie het a de Rezeption garbeitet. Am Morge losgfahre und über dNacht hets möge abeschneie…..
Und jetzt fangst ah, ab richtig Oste, quer durchs Land. Wichtig immer voll Tanke und den eifch mol schnell 600 km abspule, wider nächtige und das Selbe von vorne. Vo Jasper us simmer wider Retour richtig Lake Louise und den links weg über Nordegg, de Highway abwärts und halt nomel dur Calgary gschosse. Hineuse furt und alles Highway richtig Toronto. Und da isch jetzt au so en Abschnitt, bitte voll Tanken und Fahre. Noch mim Motto: ``Fahre git Geld :-)``

Mit üsem Wagon hemmo scho 5200 km abespulet…

Jo und zur Ziit simmer gad am Fahre. Mir underenand hends Super, gnüssets und lönds üs guet goh.

So das isches vo mir, jetzt hendo mol en Iblick i mini Reis. I meld mi wider und hebet eu Sorg.

Willst auch du dein Abenteur in Kanada beginnen? Dazu haben wir weitere Informationen oder melde dich gleich bei uns.